• 29-07-2021

Policia konfiskon rreth 100 kilogramë marihuanë në pikën kufitare “Novo Sellë”

Policia e Maqedonisë së Veriut mbrëmë ka konfiskuar 102 paketime me marihuanë, në kalimin kufitar “Novo Sellë”.

Siç informojnë nga MPB, në dalje të RMV-së, gjatë kontrollit të automjetit transportues “MAN” me targa të Bullgarisë, i drejtuar nga një shtetas bullgar, janë gjetur 102 paketime me mearihuanë, të fshehura në një bunker të bërë special.

“Nëpunësit policorë nga Sektori për polici kriminale – Sektori për tregti të paligjshme me drogë, armëve dhe substanca të rrezikshme nga liria privuan A.K.K. (48), nga Republika e Bullgarisë, nën dyshimin për kryerjen e veprës penale “lëshimi i paautorizuar në qarkullim të drogave narkotike, substancave psikotrope dhe pararendësve. Droga e gjetur nga ana e ekipit mobil dhe Drejtoria Doganore iu dorëzua SPB Strumicë për procedurë të mëtejshme dhe personi u arrestua në stacionin policor dhe gjatë ditës së sotme do të parashtrohet kallëzim penal në Prokurorinë Themelore Publike Strumicë, në bazë të nenit 215 nga Kodi Penal”, thuhet në njoftimin e MPB-së.

Në fund nga MPB thonë se me këtë, është parandaluar edhe një përpjekje për transport ndërkombëtar të drogës.

Read Previous

6 mënyrat për t’i përdorur lëkurat e portokallit para se t’i hedhësh

Read Next

Mbyllen dy objekte në Gostivar, shkelën masat antiKovid

%d bloggers like this: