• 18-04-2021

Zvicra jep një lajm të mirë për mërgimtarët që shkojnë në vendlindje për festat e fundvitit

Nga sot kanë hyrë në fuqi masat e reja të ndërmarra javën e kaluar nga autoritetet zvicerane në Bern. Siç kemi raportuar, Zvicra ka zgjeruar edhe listën e “vendeve në rrezik” nga koronavirusi.

Në këtë listë Zvicra ka vendosur disa vende nga Ballkani përfshirë edhe Serbinë, Maqedoninë dhe Malin e Zi, por jo edhe Kosovën dhe Shqipërinë. Njëkohësisht edhe ata kosovarë që posedojne ende pasaporta te Serbisë, mund të udhëtojnë nga Zvicra përmes Serbisë (transit) për në Kosovë!

Gazeta zvicerane në gjuhën shqipe “Le Canton27.ch” në kontakt me disa mërgimtarë nga Kosova të cilet posedojne pasaporta serbe kishin shprehur shqetësime dhe dilema se a do te mund të shkojnë apo jo sivjet për pushime në Kosovë, për shkak masave të reja të autoriteteve zvicerane, të cilat Serbinë e kanë vënë në listën e zezë të “vendeve ne rrezik” për shkak COVID-19.

Gazeta lidhur me kete për dy dite rresht ka takua dhe biseduar me autoritet zvicerane në Bernë, sipas të cilëve Zvicra ju mundëson mëgimtarët kosovarë edhe me pasaporta serbe të shkojne ne Kosovë për pushime, edhe pse Serbia është në listën e zezë të “vendeve në rrezik”!

“Duhet të vendosen në karantinë, njerëzit që kthehen nga një rajon ose shtet në listë. Pra, merret parasysh destinacioni dhe jo pasaporta e personit që çon në karantinë. (“Doivent se placer en quarantaine, les personnes au retour d’une région ou d’un Etat inscrits sur la liste. C’est bien la destination et non le passeport des personnes qui conduit à une mise en quarantaine. “) ka dekalruar sot Yann Hulmann, zëdhënës nga Zyra Federale e Shëndetit Publik (OFSP) ne Bernë për gazeten zvicerane në gjuhën shqipe “Le Canton27.ch”

“Lista azhurnohet rregullisht, zakonisht çdo 14 ditë. Shkalla e incidencës së virusit mund të ndryshojë shumë shpejt në një zonë, kështu që azhurnimi i listës çdo ditë nuk është i mundur. Nuk duhet të ketë një listë të azhurnuar deri në fillim të vitit të ardhshëm.” ka shtuar z.Hulmann

Zyrtari nga Berna ne vazhdim shpjegon se “Sipas masave dhe ligjeve zvicerane ata qe kalojne, nen 24 ore qendrimi tranzite përmes nje “vendi ne rrezik”, ne kete rast nëpër Serbi, kosovarët nu do t’i nenshtrohen karantinimit”

“Janë të përjashtuar nga karantina e përmendur në art. 2 persona: të cilët kanë qëndruar në një shtet apo zonë me një rrezik të lartë infeksioni për më pak se 24 orë si pasagjer tranzit (“Sont exemptées de la quarantaine visée à l’art. 2 les personnes: qui ont séjourné dans un État ou une zone présentant un risque élevé d’infection pendant moins de 24 heures en tant que passager en transit”)

Në Zvicër, aktualisht jetojnë rreth 300,000 shqiptarë, prej të cilëve më shumë se 200,000, vijnë nga Kosova, 60,000 nga Maqedonia e Veriut dhe rreth 40,000 shqiptarë nga Shqipëria, Lugina e Preshevës dhe Mali i Zi. Pas italianëve, ata përfaqësojnë komunitetin e dytë më tëmadh të të huajve në Zvicër .

Sipas gazetes zvicerane në gjuhën shqipe “Le Canton27.ch” në Zvicër sot jetojnë afro 100 mijë shqiptarë me pasaporta serbe edhe pas 12 vitesh pamvarësie?!

Read Previous

Osmani: Qytetarët e Maqedonisë nuk e meritojnë bllokadën nga Bullgaria

Read Next

Talat Xhaferi dhe Izet Mexhiti darkojnë së bashku në Shkup me Ramush e Daut Haradinajn

%d bloggers like this: