Valdrin Sahiti akuzohet nga medium amerikan se mashtroi me mijëra dollarë shumë gra të huaja.
Stilisti i famshëm Kosovar Valdrin Sahiti, është bërë temë e mediave të huaja. Por, kësaj radhe jo për të mirë.
Nga medium “The shade room” që merret vetëm me lajme nga showbiz, dizajneri Sahiti po akuzohet se ka mashtruar shumë gra me mijëra euro për fustanet që ato i kanë porositur tek ai, transmeton gazeta online Reporteri.net.
Sahiti i cili ka veshur shumë yje botëror si Rita Ora, Beyonce, Kylie Jenner, Paris Hilton e Cardi B pretendohet të ketë mashtruara disa gra.
Sipas Justin Carter-it të “The Shade Room”, gratë pretendojnë se Sahiti është zhdukur pasi ato kanë paguar për fustanet mijëra euroshe.
Sipas Carter, një postim i veçantë në Instagram i Sahitit ra në sy të Tatiana French, e cila panifikonte të martohej në pranverë.
Gruaja, nga Teksasi, thotë se ajo ishte udhëzuar të dërgonte “këstin e saj të parë” në shtator 2023. Më pas, asaj iu desh të përfundonte matjet profesionale dhe brenda 6-8 javësh, fustani i saj me porosi, i prodhuar në Kosovë, do të bëhej gati.
“Në mes të javës 6-8, ata thanë se do të kisha një video me fustanin në një model të përmasave të ngjashme,” tha French për Carter.
Sipas nuses së ardhshme, ajo dhe kompania e Sahitit ranë dakord për një fustan me një çmim prej 2,500 dollarë. French pagoi një depozitë sigurie prej 1,331 dollarësh.
“Më pas, ata do të bëjnë prekjet e fundit ose çfarëdo që mund të jetë, dhe më pas ata do ta dërgojnë atë tek unë dhe dërgimi do të zgjaste 24-48 orë përmes DHL,”, shpjegoi French.
Në fund të procesit tetë-javor, megjithatë, French tha se ajo nuk kishte “dëgjuar asgjë”.
Në nëntor, French kontaktoi kompaninë përmes WhatsApp. Megjithatë, sipas Carter, ajo “u vra me ditë të tëra”. E frustruar, French rezervoi fluturimin e saj për në Kosovë, e vendosur për të sjellë fustanin e saj “me çdo kusht”.
