Pas 6 vitesh Junior largohet nga Shkëndija, Partizani avantura e re

Partizani bën goditjen e parë në merkaton e janarit. Stenio Zhunior, braziliani që luajti për 6 sezone te Shkëndija e Tetovës, ka arritur marrëveshjen me “demat”. Në lojë për sulmuesin e krahut që mund të përdoret edhe si pykë ishte edhe klubi i Kukësit, por mesa duket braziliani është tunduar nga oferta e Partizanit, që vetëm dje mori OK-in për zhbllokimin e merkatos.

Zhunior nuk është një emër i panjohur, pasi ndër vite ka qenë objektiv i ekipeve të Superiores, veçanërisht Partizanit. 29-vjeçari u aktivizua për 6 vite te Shkëndija e Tetovës dhe pasi fitoi gjithçka në Maqedoninë e Veriut, më pas u transferua në Letoni te Riga. Me këtë të fundit luajti në periudhën qershor-shtator 2020, teksa u shpall kampion. Zhunior u aktivizua në 11 ndeshje dhe shënoi 2 gola për letonezët.

Advertisement

 

 

Pritet që klubi i kuq të prezantojë sulmuesin në orët në vijim.

Advertisement
Advertisement

You May Also Like