Gold AG që së fundmi publikoi tri këngë kushtuar këtij nëntori historik, tani ka një tjetër arsye që t’i këndojë përjetë.
Arian Agushi dhe Ermira Shkodra u bënë prindër për herë të parë sot me 28 nëntor, njofton Insajderi.
Lajmin e bëri të ditur vetë reperi me anë të një postimi në llogarinë e tij në Instagram ku shihet dora e tij dhe e foshnjës.
Shkrimi i plotë i reperit pa ndërhyrje është ky:
“Falenderimi i takon Krijuesit të qiejve dhe tokës, që sot mua dhe nusen time na furnizoi me një djalë.O Allah o Zoti im ty të takon falenderimi, o Zoti im gëzoj të gjithë çiftet që e kërkojnë këtë dhuratë prej teje.Biri im ti linde në një ditë të veçantë për mua, por edhe për mbarë popullin shqiptarë.Në këtë datë gjithmonë e festuam festën e flamurit, festuam më vonë edhe daljen publike të Ushtrisë Çlirimtare të Kosovës.Në këtë datë lindi një njeri i madh që fal pushkës së tij ti sot linde në liri birë.Djali i babës ti erdhe me 28 Nëntor në ditëlindjen e Adem Jasharit.Emrin tënd e vendosi edhe data jote, e gëzofsh emrin GUERIL, e paq shëndetin dhe jetën e gjatë, qofsha krenarë me ty e jetofsh i lirë në tokën tënde djali jem i miri…O Zoti im ti je i vetmi furnizues, mos më largo nga mëshira jote dhe më bëj rob falënderues”. /Insajderi.com
