Alkaloid me investime rekord prej 20.2 milionë euro, rezultat i projektit më të madh investues të kompanisë në 20 vitet e fundit

Alkaloid me investime rekord prej 20.2 milionë euro, rezultat i projektit më të madh investues të kompanisë në 20 vitet e fundit

Sipas llogarisë së vetme të fitimit dhe humbjes, në periudhën janar – shtator 2023, shitjet arrijnë në 9.212.341.451 denarë, që është 13% më shumë në krahasim me periudhën e njëjtë të vitit të kaluar. Shitjet e përgjithshme të konsoliduara, nga ana tjetër, arrijnë në 12.483.936.387 denarë, që është 14% më shumë në krahasim me periudhën e njëjtë të vitit të kaluar.

Shitjet sipas rajonit

Shitjet e konsoliduara të realizuara në tregun vendas u rritën me 10%, dhe totali i eksporteve të konsoliduara të kompanisë u rritën me 15%. Nga totali i shitjeve të konsoliduara, 30% janë realizuar në tregun e brendshëm, ndërsa 70% në tregjet e huaja. Shikuar sipas rajoneve, 28% u arrit në vendet e Evropës Juglindore, 22% u arrit në vendet e Evropës Perëndimore (BE dhe EFTA), 19% u arrit në vendet e Evropës Lindore (CIS, UKR… ), dhe në tregjet e tjera u arrit 1 % e totalit të shitjeve të konsoliduara.

Rritja më e madhe në tregjet e eksportit, krahasuar me nëntëmujorin e parë të vitit 2022, është shënuar në shitjet e bëra në Kanada, të cilat janë rritur me 40 herë; më pas në Itali, ku janë rritur me më shumë se 30 herë; në Afrikën e Jugut për 5 herë; në Austri me 4 herë, si dhe në Çeki dhe Kili, ku janë rritur me trefish. Më pas vijojnë ato në Britaninë e Madhe (rritje prej 87%), Armeni (rritje prej 64%), Rumani (rritje prej 63%), në Mongoli (rritje prej 26%), Shqipëri (rritje prej 24%), Bullgari ( rritje prej 14%), në Ukrainë (rritje 12%), Kroaci (rritje 11%), Bosnje dhe Hercegovinë (rritje 8%), në Serbi (rritje 6%) etj.

Shitjet sipas grupeve të produkteve

E parë sipas grupeve të produkteve, në strukturën e shitjeve totale të konsoliduara, peshën më të madhe e zënë produktet nga segmenti i farmacive, përkatësisht 90%. Prej tyre peshë më të madhe zënë antibiotikët me 28%, preparatet OTC me 19%, preparatet neurologjike me 12%, preparatet kardiologjike me 12% të shitjeve totale të konsoliduara etj. Segmenti i kimisë, kozmetikës dhe mjekësisë bimore zë 10% të totalit të shitjeve të konsoliduara, përkatësisht kimia për 2%, kozmetika për 7%, dhe herbalizmi për 1%. Shitjet totale janë rritur në qendrat fitimprurëse farmaceutike dhe kozmetike krahasuar me të njëjtën periudhë të vitit 2022. Segmenti i farmacive shënoi një rritje prej 16 për qind dhe kozmetikës një rritje prej 8 për qind.

Investimet

Totali i investimeve në mjete fikse në periudhën janar – shtator 2023 kap vlerën 1.240.857.214 denarë dhe krahasuar me ato të realizuara në të njëjtën periudhë të vitit 2022, shënojnë rritje prej 47%. Kjo rritje e investimeve është për shkak të projektit më të madh investues të ALKALOID në 20 vitet e fundit – departamenti i ri i prodhimit për prodhimin e formave të ngurta 2 – i cili rrit kapacitetet për prodhimin e formave të ngurta për më shumë se dy herë.

Rezultatet e operacionit

Fitimi për njësi para shpenzimeve financiare, taksave dhe zhvlerësimit (EBITDA), i cili arrin në 2.096.790.692 denarë, shënon rritje prej rreth 9%, ndërsa fitimi neto për njësi arrin në 1.299.694.920 denarë dhe është rritur për 12%.

Fitimi i konsoliduar para kostove financiare, taksave dhe zhvlerësimit (EBITDA) arriti në 2,222,310,580 denarë dhe shënoi rritje prej 12%, ndërsa fitimi neto i konsoliduar në vlerë prej 1,295,368,737 denarë u rrit për 14%.

Gjatë kryerjes së aktiviteteve operative, ALKALOID AD Shkup punësoi më shumë se 1000 furnizues vendas.

Punonjësit

Në periudhën janar – shtator 2023, ALKALOID AD Shkup ka realizuar 191 vende të reja pune në RS të Maqedonisë. Me vendim të Bordit të Drejtorëve të ALKALOID SHA Shkup, në mars të vitit 2023 është miratuar dhe paguar kompensimi për shfrytëzimin e pushimit vjetor për punëtorët e kompanisë, në shumën neto prej 36.500 denarë. Grupi ALKALOID ka 2787 punonjës, nga të cilët 2122 janë brenda vendit dhe 665 janë të punësuar në filialet jashtë vendit.

Të dhënat e aksioneve

Aksionet e ALKALOID AD Shkup janë të listuara në tregun zyrtar të Bursës së Maqedonisë që nga viti 2002 dhe konsiderohen si një nga aksionet më të tregtueshme dhe më likuide në Bursë. Çmimi i aksionit në periudhën janar – shtator 2023 varionte nga 17,199,00 deri në 18,400,00 denarë ose mesatarisht 17,682,15 denarë për një aksion. Më 30 shtator 2023, aksionet e ALKALOID SHA Shkup ishin në pronësi të 5.448 aksionarëve, personave fizikë dhe juridikë, ndërsa kapitalizimi tregtar i kompanisë ishte mbi 25,2 miliardë denarë.

Plani i biznesit për vitin 2023

Plani i biznesit për vitin 2023, i miratuar me vendim të Bordit të Drejtorëve të ALKALOID SHA Shkup në seancën e mbajtur më 29.12.2022, parasheh investimin e rreth 11% të të hyrave të konsoliduara nga shitja në asete materiale dhe jomateriale, një rritje prej 10. % e shitjeve të konsoliduara krahasuar me vitin 2022, si dhe 7% rritje e fitimit të konsoliduar para tatimit