• 01-12-2021

Numbeo: Tetova numër një për ndotje, Ja disa nga shkaqet!

Tetova është rendit si qyteti i parë më i ndotur në nivel botëror. E banorët e kësaj komune vazhdojnë të shprehin shqetësimet për rrezikimin e jetës dhe ambientit të tyre jetësor. Pikërisht dje një baze e huaj e të dhënave e quajtur “Numbeo” që ka të bëjë me ndotjen dhe kushtet e jetesës e radhiti Tetovën si qytetin me ajër më të ndotur në botë. Ky raport ka rritur shqetësimin e banorëve, të cilët kërkojnë zgjidhje emergjente, përcjell nmk-post.com

Arianit Xhaferi nga organizata ekologjike “EkoGerilla” deklaroi për portalin nmk-post

 “Siç kemi thene dhe shume here me heret, Tetova ka pare ajer me pak te ndotur qe nga mbyllja e Jugohromit e kendej, por akoma nuk ka ajer (mjaftueshem) te paster.
Kjo si rezultat i numrit te madh te automjeteve me standarde shume te uleta ekologjike dhe mungeses se transportit publik, si pasoje e numrit te madh te fabrikave te mobiljeve qe ngrohen me materiale ndertuese te mbetura nga procesi i prodhimit, si pasoje e numrit te madh te autovarrezave qe djegin goma dhe vajra makinash per ngrohje, dhe si pasoje e amviserive qe llogaritet se 90% e tyre ngrohen me dru ose me derivate te ndryshme ndotese. Problemi ka te beje edhe me mungesen e reagimit te inspektoratit ekologjik komunal dhe shteteror, per ti perndjekur dhe gjobitur ndotesit, si dhe mungesa e alternatives per levizje brenda qytetit (mungeses se autobuseve urbane), por edhe mungeses se alternatives per ngrohje.
Per me teper, ne dy rebalanset e realizuara ne vitin 2020, Qeveria hoqi rreth 25% te mjeteve te parapara per mbrotjen e mjedisit, per projekte konkrete qe do identifikonin ndotesit dhe do permiresonin cilesine e ajrit.
Sa eshte problemi tek shkaktaret e ndotjes, aq eshte faji tek autoritetet qe nuk po e marrin seriozisht kete pune.”

Edhe vitet e kaluara Tetova dhe i gjithë vendi është përballur me ajrin e ndotur. Ekspertët kanë paralajmëruar se ajri i ndotur tani, do të kompikojë edhe më shumë punën me pandeminë Covid 19./Northmacedonia-post/

 

LINKU:

https://www.numbeo.com/pollution/rankings.jsp?fbclid=IwAR0kw9ga0UrR_Rey0J8OWLDmMwuotOp7rOelgr2UJCMtj5R4FXCCI9DCDeY 

Read Previous

Në shumë qytete s’ka fare teste të shpejta për Covid-19

Read Next

Çfarë do të ndodhë pas mbarimit të COVID-19, 6 parashikimet e Bill Gates

%d bloggers like this: