Breaking News :

nothing found
19-08-2022

Roth: Urgjentisht na duhen sinjale pozitive për Ballkanin Perëndimor

Advertisement

Nëse Bashkimi Evropian (BE) lë vakum në Ballkanin Perëndimor, atëherë edhe forcat tjera që nuk i ndajnë vlerat demokratike të Unionit, do të hyjnë në atë vakum, ka deklaruar sekretari shtetëror për Evropë në Ministrinë gjermane të Punëve të Jashtme, Mihael Rot.

 

Ai ka shprehur zhgënjim që nuk ka progres në integrimin e vendeve të Ballkanit Perëndimor gjatë kohës së kryesimit të Gjermanisë me BE-në në gjashtë muajt e kaluar.

“Urgjentisht na duhen sinjale pozitive për Ballkanin Perëndimor. Në pyetje nuk është asgjë më pak se kredibiliteti i jonë”, ka deklaruar Rot për Handelsblat.

“Patjetër ta shtyjmë këtë. Paqja, pajtimi rajonal dhe demokracia në Ballkanin Perëndimor janë të rëndësisë strategjike për mbarë Evropën, veçmas për fqinjësinë”, ka thënë ai.

 

Handelsblat ka shtuar se forcat si Rusia, Kina dhe Turqia janë të interesuara për rajonin.

 

“Nëse BE lë vakum në Ballkanin Perëndimor, atëherë edhe forcat tjera që nuk i ndajnë vlerat demokratike të Unionit, do të hyjnë në atë vakum nga arsye gjeostrategjike. Ne po i qëllojmë vetes në këmbë”, ka thënë Rot.

Ai ka thënë se hezitimi i BE-së interpretohet si dobësi në botë ku autoritarizmi bëhet më i fuqishëm, ndërsa demokracia është nën presion të madh.

“Kjo është tragjedi për vendet e Ballkanit”, ka thënë Rot.

“BE patjetër të jetë më e pranishme në perceptimin emotiv të popullit. Jo që të mund të godasim mbi supe. Në fund, ai është depërtim i Evropës në konkurrencën sistemore me forcat autoritare që do të ankorohen në mes të Evropës”, ka shtuar Rot

Advertisement

Read Previous

93-vjeçarja shqiptare, shërohet nga koronavirusi në Amerikë

Read Next

Fauçi: Vaksina kundër Covid-19 mund të bëhet e detyrueshme!