Ramush Haradinaj viziton asfaltin e dëmtuar në Malishevë, kritikon për punë jocilësore

Kryetari i AAK-së, Ramush Haradinaj ka vizituar Malishevën, një nga zonat e prekura nga vërshimet.

Haradinaj nga aty ka kërkuar nga qeveria të ndajë fond emergjent për të mbështetur familjet e prekura nga përmbytje, shkruan Reporteri.

Siç shihet në pamje ai ka vizituar edhe rrugën e dëmtuar Rud-Sferkë, fotografitë e të cilës u bënë virale në rrjetet sociale.

Haradinaj shkruan edhe për dëmet infrastrukturore atje, thotë se mund të jenë nga puna e shpejtë e jo cilësore, e se përgjegjësi duhet të mbajnë të gjithë.

Burimi: fmimages

Postimi i tij i plotë:

Vizitova sot komunën e Malishevës, përkatësisht një ndër zonat e prekura nga vërshimet.
Në këtë katastrofë natyrore, të gjithë së bashku duhet të qëndrojmë pranë familjeve të prekura dhe të bashkëndjejmë me vuajtjet e tyre nga këto përmbytje.
Ftoj qeverinë në detyrë, për mobilizim të menjëhershëm të të gjitha institucioneve përkatëse me qëllim të ndihmës dhe përkrahjes për qytetarët, si dhe të vendos për ndarjen e fondit emergjent për mbështetjen e menjëhershme të të gjitha familjeve të prekura nga këto përmbytje.
Dëmet infrastrukturore nga këto përmbytje mund të jenë edhe si pasojë e punëve të shpejta dhe jo cilësore. Të gjithë duhet të mbajnë përgjegjësi nëse nuk i kanë përmbushur kontratat sa i përket cilësisë së punës.
Ngritja e standardeve të larta infrastrukturore si dhe kapaciteteve për reagim dhe mbrojtje nga katastrofat natyrore duhet të jetë prioritet i shtetit tonë.
Njëkohësisht ftoj aktivistët, strukturat e Aleancës në zonat e prekura si dhe gjithë qytetarët e vullnetit të mirë, që t’iu dalin në ndihmë familjeve të prekura në këtë fatkeqësi natyrore.

Advertisement
Advertisement
Advertisement

You May Also Like