Policia jep detaje për krismat e kallashnikovit në Tetovë – ja çfarë thotë

Policia e Tetovës njofton se sonte në orën 22:45 minuta, personi M. T. nga Tetova, në SPB Tetovë ka raportuar se një person i panjohur ka shtënë me armë zjarri nga një veturë në lëvizje në shtëpinë e tij në Tetovë. Deri më tani nuk ka raportime për persona të lënduar. Po merren masa për zbardhjen e rastit.

Policia tashmë ka bllokuar bulevardin “Ilinden” në Tetovë, ku ndodhi atentati gjatë mbrëmjes së sotme.

Kontrollohen automjete, sigurohen dëshmi të cilat do të shfrytëzohen për dokumentimin e krimit.

Deri më tani kanë gjetur edhe pesë gëzhoja plumbash.

Informacionet e para flasin se nuk ka të plagosur dhe viktima, ndërkaq rasti thuhet se ndërlidhet me vrasjen që ndodhi muaj më parë para Spitalit të Tetovës.