Policia Financiare “vërshon” Lotarinë Shtetërore – ja pse!

Policia Financiare ka kryer kontroll në drejtorinë e Lotarisë Shtetërore në kuadër të një hetimi mbi objektin e shumëpërfolur me vlerë 2.6milion euro. Informacioni pa dhënë më shumë detaje është konfirmuar nga Policia Financiare. Hetimi i referohet marrjeve me qera të disa objekteve kontestuese të cilat sipas hulumtimeve të Radio Evropa e lirë dhe javorja Fokus, objektet e marra lidhen drejtpërdrejt me njerëz të afërt të funksionarëve të BDI-së, përkatësisht djalin e deputetit Ismail Jahoski. Aktet për qirammarje 10 vjeçare në tërësi janë nënshkruar nga drejtori i Lotarisë Shtetërore, Përparim Bajrami. Drejtoria e Policisë Financiare ka njoftuar shkurt se janë konfiskuar dokumente që mund të paraqesin mjet prove, por pa dhënë shumë informacion për shkak të ndjeshmërisë së hetimit.