Breaking News :

nothing found
18-08-2022

PDK dhe LDK gjobiten për thyerje të heshtjes zgjedhore

Advertisement

Paneli Zgjedhor për Ankesa dhe Parashtresa në Kosovë shqiptoi gjoba për Partinë Demokratike të Kosovës dhe për Lidhjen Demokratike të Kosovës për, siç u tha, thyerje të heshtjes zgjedhore gjatë votimit në zgjedhjet parlamentare të 14 shkurtit.

PZAP tha se ka marrë dhjetë ankesa në lidhje me thyerjen e heshtjes zgjedhore, porse vetëm dy janë pranuar si të bazuara.

“Natyra e ankesave të paraqitura ka qenë: thyerje e heshtjes zgjedhore gjatë ditës së votimit, respektivisht shpërndarje e SMS-ve te qytetarët, me thirrje për të votuar subjektin e caktuar politik”, thuhet në njoftim.

Edhe PDK-ja, edhe LDK-ja u gjobitën me nga 600 euro.

PZAP tha se të enjten ka shqyrtuar dhe vendosur për të gjitha ankesat dhe apelet e paraqitura nga individë, subjekte politike, kandidatë për deputetë, organizata, anëtarë të Komisioneve Komunale të Zgjedhjeve, anëtarë të Këshillave të vendvotimeve, qytetarë, vëzhgues, etj. dhe se gjoba e shqiptuar, për shkak të mosrespektimit të Kodit të Mirësjelljes, kap vlerën e mbi 216 mijë eurove.

Fituese e zgjedhjeve parlamentare të 14 shkurtit në Kosovë është shpallur Lëvizja Vetëvendosje.

Në vend të dytë ka dalë Partia Demokratike e Kosovës dhe në të tretin Lidhja Demokratike e Kosovës./Radioevropaelire

Advertisement

Read Previous

Zaev: E kemi dhënë fjalën, grafa etnike në letërnjoftime do të bëhet

Read Next

AKR kërkon rinumërim të votave