Osmani: Jemi në moment kritik, pabarazitë kërcënojnë të arriturat për të drejtat e grave

Presidentja në detyrë, Vjosa Osmani thotë se jemi në një moment kritik në histori ku pabarazitë kërcënojnë të përmbysin të arriturat e luftës për të drejtat e grave.Ajo kërkon angazhim për të punuar për të mbrojtur progresin e shënuar deri tani, përcjellë Gazeta Blic.Postimi i saj i plotë:

Sot filluam ditën me vajzat e reja nga komunitetet rom, ashkali dhe egjiptar duke treguar se si fuqia e artit mund të jetë pikënisja më e mirë për thyerjen e barrierave, luftimin e stereotipeve, përkrajen e talentit dhe fuqizimin e vajzave dhe grave.

Jemi në një moment kritik në histori, në një pandemi globale, ku pabarazitë në rritje kërcënojnë të përmbysin të arriturat e luftës së vështirë për të drejtat e grave.
Andaj në çdo mënyrë e çdo rrethanë, duhet të angazhohemi që të punojmë fort për të mbrojtur progresin e shënuar deri më sot e të shohim mënyra të reja se si të mbështesim njëra tjetrën e t’ja zgjasim dorën njëra tjetrës drejt majave të suksesit e përmirësimit të mirëqenies e garantimit të jetës me dinjtet për të gjithë.
Faleminderit UN Women, IPKO Foundation dhe Ambasada e Mbretërisë së Bashkuar për mbështetjen tuaj dhe angazhimin për nisma të tilla përmbajtësore e të rëndësishme për shoqërinë tonë. Kënaqësi e veçantë të jemi nikoqir i kësaj ekzposite të veçantë!

Advertisement
Advertisement
Advertisement

You May Also Like