Është shënuar sërish rritje e numrit të të infektuarve me grip në vend, sipas të dhënave nga raporti i fundit i Institutit të Shëndetit Publik (IJZ).
Në tri njësitë raportuese që kanë raportuar raste gjatë kësaj jave, është regjistruar aktivitet shumë i ulët i virusit të gripit, në tetë sezonal, në 12 mesatar, në Dibër – i lartë dhe në tre – Resnjë, Kavadar, Kratovë – shumë i lartë.
– Në javën e katërt të vitit 2024, nga 22 deri më 28 janar, në Republikën e Maqedonisë janë raportuar 1834 raste të raportimeve në grup për persona të sëmurë nga gripi – sëmundje të ngjashme me gripin, 9,5 për qind më shumë në krahasim me javën e kaluar. Numri i të regjistruarve këtë javë, krahasuar me javën e katërt të sezonit të kaluar, është rritur me 2.1 herë, thuhet në raportin e IJZ.
Gjatë javës së katërt raportuese, në laboratorin virologjik të IJZ-së kanë mbërritur 67 materiale nga survejimi rutinë për analiza laboratorike, të testuara paralelisht për gripin dhe Covid-19 (SARS-CoV-2).
– Njëkohësisht janë zbuluar 20 raste pozitive të gripit: 14 Influenza A(H1)pdm09, 2 Influenza A(H3), 3 Influenza A – e panëntipizuar dhe 1 Influenza B – Linjë e paspecifikuar. Një pacient me SARS-CoV-2 u regjistrua, thuhet në raport.
Sa i përket shpërndarjes së moshës, 982 persona janë të moshës 15 deri në 64 vjeç, 342 janë fëmijë nga mosha deri në katër vjeç, 256 janë fëmijë nga mosha pesë deri në 14 vjeç dhe 254 raste janë regjistruar te personat mbi 65 vjeç. Incidenca më e lartë është regjistruar tek fëmijët nën moshën katër vjeç.
Të sëmurë janë raportuar nga 27 QJZ/PE, në Shkup – 238, Manastir – 196, Kavadar – 184, ndërsa në pjesën tjetër numri i të raportuarve është më i vogël ose i barabartë me 150, tregojnë të dhënat.
– Gjatë kësaj jave janë regjistruar dy vdekje të lidhura me gripin. Bëhet fjalë për personat e moshës 20 dhe 36 vjeçare nga Shkupi dhe Demir Hisari, të cilët janë shtruar në Klinikën për Sëmundje Infektive dhe Gjendje Febrile. Te personat e vdekur është konstatuar prania e sëmundjeve shoqëruese – hematologjike, kardiovaskulare, obeziteti dhe nuk janë vaksinuar me vaksinë të gripit sezonal. Në mesin e personave të vdekur është konfirmuar laboratorikisht gripi A(H1)pdm09, sqarohet në raportin e IJZ-së.
Në sezonin 2023/2024, numri i përgjithshëm i rasteve me sëmundje të ngjashme me gripin është 7009, sipas të dhënave të Institutit.
Krahasuar me të njëjtën periudhë të sezonit të kaluar, numri i rasteve të raportuara është rritur për 37.3 për qind dhe krahasuar me modelin e 13 sezoneve të fundit, ka një rritje prej 26.1 për qind.
IJZ kujton se vaksinimi kundër gripit sezonal është mbrojtja më efektive kundër kësaj sëmundjeje.
Deri në javën e katërt të vitit 2024, në Republikën e Maqedonisë me vaksinë falas ose komerciale janë vaksinuar gjithsej 61.543 persona.
