Kancelari austriak: BE shumë e ngadaltë, do prodhojmë vaksina me Izraelin

Kancelari austriak Sebastian Kurz u bë zëdhënësi sot i vendimit të një sërë vendesh europiane, të pakënaqura për mënyrën se si Bashkimi Europian po menaxhon fushatën e vaksinimit në kontinent. Edhe pse qasja që kalon fillimisht nga BE-ja sipas tij është e drejtë, vonesat e Agjencisë Europiane të Barnave (EMA) e bëjnë të domosdoshëm fokusimin në mundësi të tjera. Dhe kjo mundësi lidhet pikërisht me bashkëpunimin e Vjenës dhe jo vetëm me Tel Avivin. “Austria, Danimarka dhe vendet e grupit First Mover (Norvegji, Greqi, Çeki, Singapor, Australi dhe Zelanda e Re) në të ardhmen nuk do t’i besojnë BE-së organizimin, por bashkë me Izraelin do të prodhojmë vetë vaksina të gjeneratës së dytë që mbrojnë edhe nga mutacionet”, deklaroi Kurz para vizitës që kancelari do të kryejë pikërisht në Izrael. Sipas ekspertëve austriakë, dy të tretët e popullsisë së atij vendi do të vaksinohet një herë në vit kundër pandemisë dhe varianteve të saj më të rrezikshme./Nmk-post/

Advertisement
Advertisement
Advertisement

You May Also Like