Me 13 gradë Celsius nën zero dhe 28 centimetra shtresë të borës, sot Manastiri në mëngjes është qyteti më i ftohtë dhe me shtresën më të lartë të borës.
Bora, e cila ra natën e kaluar, u pastrua nga rrugët dhe u hoq nga ekipet e ndërmarrjes publike “Niskogradba”.
“Të gjitha burimet janë në funksion, njerëzor dhe material. Rrugët me prioritet të parë janë të pastra, ndërsa nëse nuk na pengonin automjetet e shumta të parkuara, fusha e pastrimit dhe heqjes së borës do të ishte edhe më e madhe. Ne jemi të lëvizshëm dhe vazhdojmë me detyrat e punës në përputhje me programin për mirëmbajtjen e rrugëve dhe urave në kushtet e dimrit”, informoi NPK “Niskogradba”.
Ata apelojnë që automjetet të hiqen nga komunikacioni, ndërsa qytetarët që pastrojnë borën para ndërtesave të tyre private ose të biznesit, ta mbledhin atë në një vend dhe të mos e hedhin në rrugë ose trotuar.
