Sindikata e Policisë së Kosovës ka njoftuar se të martën ka vizituar familjen e rreshterit Afrim Bunjaku, i cili u vra në sulmin e 24 shtatorit në Banjskë.
Së bashku me sindikalistët kanë qenë edhe përfaqësuesit e Drejtorisë Rajonale të Policisë në Pejë dhe përfaqësuesit e fondacionit Plavë-Guci me seli në Amerikë.
Familjes bëhet e ditur se i është dhuruar donacioni në vlerë prej 9 mijë e 200 dollarë.
“Me datë 17.10.20203 ishim për vizitë te familja e heroit Afrim Bunjaku së bashku me përfaqësuesit e DRP Pejë dhe përfaqësuesit e fondacionit Plavë-Guci me seli në Amerikë, ku ju dhurua një donacion familjes së rreshterit Afrim Bunjaku në vlerë prej 9 mijë e 200 dollarë”, thuhet në njoftimin për media.
Rreshteri Afrim Bunjaku, i cili ishte pjesëtar i Policisë së Kosovës nga viti 2001, u vra mëngjesin e 24 shtatorit pas përplasjes me një grup të armatosur serb në Banjskë të Zveçanit në pjesën veriore të vendit të banuar me shumicë serbe.
Për familjen Bunjaku edhe Qeveria e Kosovës ditë më parë ka marrë vendim për ndarjen e 50 mijë eurove
+ There are no comments
Add yours