Bastisje në Reçicë të vogël – ja çfarë gjeti policia (FOTO)

Pas masave dhe aktiviteteve të marra paraprakisht, me datë 20.10.2023 nëpunës policorë nga Departamenti i Policisë Kriminalistike, Sektori për tregti të paligjshme me drogë, armë dhe substanca të rrezikshme në koordinim me nëpunës policorë nga Njësia për tregti të paligjshme me drogë dhe armë në SPB Tetovë, është kryer kontrollë në banesë dhe në lokalet tjera të personave A.XH.(25) dhe F.XH.(26), të dy nga Reçica e Vogël, gjatë të cilit u gjet një pistoletë “Zastava” kal. 7.62mm me një kornizë me dy fishekë, një pistoletë “Zoraki” 917-T me kornizë pa municion, 23 fishekë të llojeve dhe kalibrave të ndryshëm, 35 fishekë kal. 7.62 mm, një qese me bari, një peshore dixhitale dhe sende të tjera me mbetje të lëndës pluhurore të bardhë.

Në koordinim të prokurorit publik kundër personave do të parashtrohen kallëzime penale nga nenet 215 dhe 396 të Kodit Penal.