Zaev: Me sjellje si të Bullgarisë, BE nuk do të ekzistonte

Në një intervistë për të përditshmen në Luksemburg “Worth”, kryeministri Zoran Zaev tha se vetoja e Bullgarisë për fillimin e negociatave me BE ishte një gjest mosmirënjohës, por që sipas tij qeveria është e përkushtuar për evropianizimin e vendit.
“E vërtetë, është mosmirënjohëse që fqinji ynë, Bullgaria na vuri veton në dhjetor të vitit 2020. Qëllimi kryesor është të zgjidhim dallimet historike midis Shkupit dhe Sofjes. Duhet të them se me një sjellje të tillë BE nuk do të ekzistonte kurrë, evropianët shikuan të ardhmen, jo të kaluarën”, tha Zaev në intervistë.