Xhaferi të martën do të presë kryetarin e Kuvendit bullgar, Zhelyazkov
Kryetari i Kuvendit të Bullgarisë, Rosen Zheljazkov, të martën do të jetë për vizitë pune në Kuvendin e Republikës së Maqedonisë së Veriut. Zheljazkov do të ketë takim dhe bisedë me kryetarin e Kuvendit Talat Xhaferi, pas së cilës do të hapë ekspozitën “Trakia e Argjendtë” në Muzeun Arkeologjik.
Ekspozita organizohet nga Instituti Kombëtar Arkeologjik me një muze në Akademinë Bullgare dhe do të prezantojë 1700 ekspozita nga 18 muzetë kombëtarë, rajonalë dhe komunalë bullgarë.
Mediat bullgare raportojnë se kryetari i Kuvendit të Bullgarisë para vizitës së punës do ta vizitojë kishën “Sveti Spas” dhe do të vendosë kurorë me lule para sarkofagut të Goce Dellçevit. Më pas Zheljazkov do të marrë pjesë në një ngjarje të organizuar nga Qendra Informative Kulturore Bullgare në Shkup, ku prindërve dhe mësuesve do t’u shpërndahen kupona për trajnim në internet për fëmijët me nevoja të veçanta.
