Von der Lajen: Vaksinimi në BE fillon më 27 dhjetor

Kryetarja e Komisionit Evropian, Ursula fon der Lajen sot konfirmoi se vaksinimi kundër koronavirusit në Bashkimin Evropian do të fillojë më 27 dhjetor.

“Vaksinimi në Bashkimin Evropian do të fillojë më 27, 28 dhe 29 dhjetor. Ky është momenti i Evropës. Së bashku t’i mbrojmë qytetarët tanë. Së bashku jemi më të fortë”, ka shkruar Fon der Lajen në Tuiter.

Më shumë vende evropiane, përfshirë Gjermaninë, Francën dhe Italinë, paraprakisht kumtuan se do ta koordinojnë fillimin e fushatave të tyre për vaksinimin kundër koronavirusit.

Ministri gjerman i Shëndetësisë, Jens Shpan sot deklaroi se të gjitha vendet-anëtare të BE-së planifikojnë ta fillojnë vaksinimin kundër koronavirusit më 27 dhjetor./tv21