Sulm në Zvicer, dyshohet per terrorizem

Një grua zvicerane sulmoi dy gra të tjera, njërën me thikë, në një supermarket në Llugano, në kantonin Tiçino (në jug të vendit), njoftoi policia rajonale, e cila nuk përjashton shkaqet për “motive terroriste” gjatë sulmit, njofton korrespondenti i MIA-s.

Njëra nga viktimat e sulmit u lëndua rëndë, por pa rrezikuar jetën e saj, ndërsa e dyta ka lëndime të lehta, kumtoi policia, e cila u paralajmërua për sulmin pak para orës 14:00 të pasdites. Sipas elementëve të parë të hetimit, sulmuesja e moshës 28 vjeçe, u përpoq të mbyste njërën nga dy gratë me duar dhe tjetrën e plagosi me thikë në qafë.

Advertisement

Klientë të tjerë në supermarket arritën ta kontrollonin atë, që më vonë u arrestua, shtoi policia. Policia rajonale theksoi se ata “nuk përjashtojnë motivet terroriste”, duke specifikuar se ata janë duke punuar në këtë rast me policinë e konfederatës zvicerane dhe policinë lokale të Llugano./tv21

Advertisement
Advertisement

You May Also Like