• 09-03-2021

Shkencëtarët zbulojnë përse “stresi i bën flokët të bardha”

Shkencëtarët thonë se mund të kenë zbuluar arsyen përse stresi zbardh flokët e njerëzve, si dhe një mënyrë të mundshme për ta ndaluar këtë pa pasur nevojë për bojën e flokëve, në disa detaje që lexuesit mund t’i konsiderojnë ‘të rënda’.

Gjatë eksperimenteve në kaviet, qelizat embrionale që kontrollojnë ngjyrën e lëkurës dhe qimeve, rezultuan të dëmtuara pas stresit intensiv.

Në një zbulim rastësor të studiuesve, kaviet me pellush të errët u bënë krejtësisht të bardha brenda disa javëve.

Studiuesit amerikanë dhe brazilianë thanë se eksplorimi i kësaj mundësi ishte me vlerë prej mundësisë së krijimit të një mjekimi që parandalon humbjen e ngjyrës së qimeve.

Burrat dhe gratë humbasin ngjyrën e tyre të flokëve që prej mesit të të 30-ave të tyre, teksa një ide për kohën se kur ndodh kjo, mund të merret nga ndryshimi i ngjyrës së flokëve te prindërit.

Megjithse arsyet kryesore janë procesi natyral i plakjes dhe gjenetika, stresi gjithashtu luan një rol.

Shkenca ende nuk e di arsyen e saktë se përse stresi na bën të humbasim ngjyrën e flokëve por studiuesit e Universitetit të Sao Paulo dhe të Harvard, besojnë se efekti ka të bëjë me qelizat embrionale melanocite, të cilat prodhojnë melaninën dhe janë përgjegjëse për ngjyrën e lëkurës dhe qimeve.

Gjatë eksperimenteve me kaviet ata rastisën në provat.

“Ne e dimë me siguri se stresi është përgjegjës për ndryshimin specifik të ngjyrës së qimeve dhe të lëkurës, si dhe mënyrën sesi e bën këtë,” tha Prof Ya-Cieh Hsu, e Harvard, duke shtuar se dhimbjet e shkaktuara te kavjet sillnin prodhimin e adrenalinës dhe kortizonit, duke bërë që zemra e tyre të rrihte më shpejt, duke rritur presionin e gjakut dhe rrjedhimisht duke shkaktuar stres.

Ky proces përshpejton ezaurimin e qelizave embrionale që prodhojnë melaninën në rrënjët e flokëve.

“Stresi është i keq për trupin. Por ne zbuluam se efekti dëmtues është më i madh nga sa imagjinonim,” tha Prof Hsu.

“Vetëm pas disa ditësh, qelizat embrionale që gjenerojnë pigmentin ishin zhdukur, dhe kjo shkaktonte dëmin e përhershëm”./BBC/

Read Previous

Biden zgjeron ekipin e tij për të luftuar Covid-19

Read Next

7 janari ditë jopune për të gjithë qytetarët

%d bloggers like this: