Regjistrimi nuk është pazar, por zbatimi i Ligjit, thotë zëvendësdrejtori i Entit Shtetërorë për statistikë, Ilmi Selami, në intervistën javore të REL. Si ESHS, thekson, dëshirojmë tu drejtohemi qytetarëve për shkak se regjistrimi bëhet për qytetarët. Në komentin për përshtypjen e qytetarëve se politikanët e kanë kidnapuar këtë proces, Selami thotë se i vjen keq që partitë politike nuk e kuptojnë se nëse nuk mbahet regjistrimi, humbin të gjithë.
“Përsëri po them, çfarë ka të keqe në atë që të thirrni qytetarët të respektojnë ligjin? Unë nuk habitem pse shqiptarët i thirrni shqiptarët të regjistrohen, por habitem pse maqedonasit u bëjnë thirrje maqedonasve për të mos tu regjistruar! Cili është qëllimi, të mos regjistrohen, të bëjmë numra të deformuar”, deklaroi Ilmi Selami – zëvendësdrejtor i Entit Shtetëror për Statistikë./TV21/
