Rama: Kosova pranoi me mençuri, tani Serbia të veprojë njësoj

Kryeministri i Shqipërisë, Edi Rama, nëpërmjet një postimi në median sociale, thekson se nuk mund ta fshehë kënaqësinë që lidershipi i Kosovës më në fund bëri thirrjen e duhur në takimin e djeshëm në Bruksel.“Kosova është në një vend shumë më të mirë sot duke pranuar me mençuri propozimin e BE-së më 21 tetor – një hap shumë domethënës përpara”.

Sipas tij, është koha që edhe Serbia të bëjë të njëjtën gjë.

“Çdo gjë që është pranuar dhe rënë dakord duhet të zbatohet pa asnjë vonesë. Unë u bëj thirrje partnerëve tanë perëndimorë që të ruajnë këtë vrull dhe të shtyjnë përpara drejt një përparimi përfundimtar”.