“Qeveria e Erdoganit është e përfshirë në krim dhe korrupsion”, Turqia bllokon videot dhe mesazhet e Sedat Pekerit

Sedat Peker, njeriu që kohët e fundit ka bërë bujë me deklaratat rreth përfshirjes në krim të organizuar dhe korrupsion të anëtarëve të kabinetit qeveritar të presidentit Recep Tayyip Erdogan, i janë bllokuar të gjitha llogaritë në media sociale dhe video kanalet.

Kryemafiozi turk që është zhvendosur në Dubai, kohët e fundit ka publikuar videoja dhe mesazhe teksa pretendon se njerëz të afërt të presidentit turk, së bashku me të kanë kryer krime gjersa disa anëtarë të partisë së Erdoganit kanë vrarë edhe njerëz të pafajshëm duke arsyetuar se ishin terrorist.

Por, duket se kjo i ka penguar qeverisë turke dhe ka marrë masa duke i bllokuar të gjitha llogaritë në Twitter, Instagram dhe YouTube për në territorin e Turqisë, transmeton Telegrafi.