Palermo, Itali, 11 shkurt 2024 /noa.al- Në mes të natës një burrë vrau gruan dhe dy fëmijët e tij 5 dhe 16 vjeç. Ndërsa vajza e tij, 17 vjeçe, arriti të shpëtojë veten.
Ngjarja e rëndë ndodhi në një shtëpi në Altavilla Milicia, në zonën e Palermos, Itali, rreth orës 03 të mëngjesit të sotëm, raporton noa.al.
Autori i dyshuar i krimit është Giovanni Barreca, 54-vjeçari murator.
Viktimat janë Antonella Salamone, gruaja e vrasësit dhe djemtë e saj Kevin, 16 dhe Emanuel, 5 vjeç.
Vrasja e trefishtë, sipas gjetjeve të para të hetimit të dhunës brutale, është kryer në shtëpinë ku jetonte familja, në via Reggia Trazzera Marina të Granatelli, në qytetin e Altavilla Milicia, një komunë bregdetare, në provincën e Palermos.
Pasi shfarosi familjen e tij, 54-vjeçari thirri policinë, rrëfeu dhe priti që ushtarakët të mbërrinin në Casteldaccia, një qytet disa kilometra larg. Aty u dorëzua.
