Regjistrimi i popullsisë paraqet një nga instrument me të cilin shtetet planifikojnë politikat e tyre zhvillimire. Megjithatë Regjistrimi i popullsisë në Maqedoninë e Veriut ka një rëndësi të veçantë politike. Për vite e dekada, është spekuluar me numrin e shqiptarëve. Tash është koha që të shihet qartë se sa është numri real i shqiptarëve.
Në rrjetet sociale individ të caktuar hedhin informacione të pasakta dhe dezinformata kurse regjistrimi i popullsisë qënka për interesa partiake apo biznesi. Këto shpifje janë shumë të dëmshme dhe po tentojnë që të zbrapsin shqiptarët që të mos regjistrohen. Një gjë e tillë do ta vazhdonte agoninë shumëvjeçare për numrin e shqiptarëve, sidomos atyre në diasporë.
Redaksia e NMK-Post ju bën ftesë të gjithë mërgimtarëve nga Maqedonia e Veriut që të shfrytëzojnë të drejtën e tyre për tu regjistruar. Nëse nuk regjistroheni Ju nuk ekzistoni në Maqedoninë e Veriut!
