KUÇI GËNJEU KUR THA SE BIZNESI I TIJ SKA BORXHE NË ATK

I ftuar mbrëmë në emisionin Debat Plus për të diskutuar rreth tenderit 5 milionësh, për të cilin kompania e ministrit Kuçi nënshkroi kontratë në kohën sa ky është ministër, për ndërtimin e spitalit në Prizren, ai u pyet edhe nëse biznesi i tij ka detyrim ndaj shtetit, respektivisht borxhe të akumuluara ndaj ATK-së.

Në pyetjen e parashtruar nga panelisti Imer Mushkolaj “domethënë nuk keni borxhe të akumuluara në ATK”? Kuçi u përgjigj “Jo, jo”.

Administrata Tatimore e Kosovës në Prizren e ka përgënjeshtruar deklarimin publik të ministrit Kuçi kur tha se biznesi i tij nuk ka borxhe të akumuluara ndaj ATK-së.

Kompania “Hidroterm” SHPK në pronësi të ministrit Kuçi, me numër unik identifikues 810634867, ka borxh të akumuluar hiç më pak se 159 mijë e 491 e 77 euro.