Komisioneri i Bashkimit Evropian për fqinjësi dhe zgjerim, Oliver Varhely, ka thënë se Kosova ka përmbushur kushtet për liberalizimin e vizave. Shtoi se jo të gjitha shtetet e Bashkimit Evropian janë bindur për këtë. Këto komente Varhely i bëri gjatë një takimi virtual me “Forumin Ekonomik të Tiranës”.
“Në lidhje me liberalizimin e vizave për qytetarët e Kosovës, Komisioni vlerëson se të gjitha kushtet janë përmbushur. Sidoqoftë, jo të gjitha shtetet anëtare janë bindur ende. Prandaj, ne inkurajojmë autoritetet e Kosovës t`i drejtohen vendeve anëtare të BE-së për të adresuar shqetësimet e mbetura”, tha ai. Komisioneri evropian, gjithashtu tha se shpreson në stabilitet politik në Kosovë.
“Në mënyrë që Kosova të mund të shpejtojë procesin e reformës, përfshirë në fusha të tilla si sundimi i ligjit dhe zhvillimi socio-ekonomik. Ne do të vazhdojmë të mbështesim Kosovën në agjendën e saj evropiane”. /Insjaderi.com
