Me rastin e festës së Kurban Bajramit njoftohen të gjithë besimtarët e fesë Islame, se namazi i Sabahut falet në ora 04:45. Ndërsa namazi i Kurban Bajramit në ora 05:56. Redaksia e NMK-Post, të gjithë besimtarëve musliman i’u uron Kurban Bajramin.
Kurban Bajrami është një nga dy festat islame të cilën e kremtojnë myslimanët në mbarë botën, tjetri është Fitër Bajrami. Festa, sipas traditës islame, nderon gatishmërinë e profetit Ibrahimit të flijoj djalin e tij si vepër e nënshtrimit ndaj urdhërit të Zotit, para se Zoti të ndërhyj, përmes engjëllit të tij Xhebrailit dhe të njoftojë Ibrahimin se flijimi i tij është pranuar tashmë. Mishi nga kafsha e flijuar ndahet në tre pjesë. Familja mban një pjese; pjesa tjetër jepet për të afërmit, shokët dhe fqinjët; ndërsa pjesa e mbetur i ndahet të varfërve dhe nevojtarëve.
