Ish-kryeministri bullgar Kostov: Maqedonia nuk ka problem me ne por me BE-në

Ish kryeministri bullgar Ivan Kostov ka sulmuar ashpër Shkupin zyrtar se nuk ka përmbushur asnjë marrëveshje të nënshkruar deri më tani me Sofjen zyrtare. Kostov për radion informative Darik-Radio nga Sofja ka deklaruar se Shkupi ka probleme me Bashkimin Evropian e jo me Bullgarinë, përcjell 24 часа. “Fqinjët tanë kanë problem me BE-në jo me ne. Ata duhet ta zgjidhin këtë problem nëse duan të anëtarësohen” ka thënë Kosotov. Ai ka shtuar se politikanët e Maqedonisë së Veriut tentojnë të bëjnë presion ndaj Bullgarisë nëpërmjet shteteve evropiane, duke potencuar se diplomacia bullgare në këtë rast duhet të jetë më aktive. Kostov ka deklaruar se zhvillimi i bisedimeve Sofje-Shkup duhet të ndryshojë dhe se Sofja duhet të insistoj deri në përmbushje të plotë të të gjitha çështjeve të hapura mes dy shteteve./ NMK-Post.