Kandidati për kryeministër i Partisë Demokratike të Kosovës, Enver Hoxhaj ka qëndruar sot në Skenderaj, ku bashkë me kryetarin e Degës së PDK-së, Sami Lushtakun dhe kandidatët për deputetë të kësaj zone, kanë takuar familjet e dëshmorëve, invalidët dhe veteranët e luftës së Ushtrisë Çlirimtare të Kosovës në Skenderaj, transmeton IndeksOnline.
Salla ishte e vogël për t’i zënë të gjithë të interesuarit për të qenë në këtë takim.
Hoxhaj e Lushtaku premtuan përkujdesje të veçantë për kategoritë e dala nga lufta dhe rritje të pensioneve për këto kategori.
Statusi i Lushtakut:
Me kryeministrin në ardhje, profën Enver Hoxhaj, takuam familjet e dëshmorëve, invalidët dhe veteranët e luftës së Ushtrisë Çlirimtare të Kosovës në Skenderaj. Së bashku premtuam përkujdesje të veçantë për kategoritë e dala nga lufta dhe rritje të pensioneve për këto kategori.
Mbështetja për PDK-në është masive nga kategoritë e dalura nga lufta. Me këtë mobilizim kaq masiv do të dalim fitues në zgjedhjet e 14 shkurtit! SL
