Presidenti Joe Biden ka kritikuar anulimin e vendimit për të mosmbajtur maska në shtetet e Teksasit dhe Misisipi, duke e quajtur atë “mendim Neandertal”.
“Unë mendoj se është një gabim i madh. Gjëja e fundit që na duhet është mendimi i Neandertalit, i cili sa kohë që çdo gjë shkon mirë dhe është nën kontroll hiq maskën, harroje atë. Ende ka rëndësi”, tha Biden.
Guvernatori i Misisipit, republikani Tate Reeves, reagoi ndaj komenteve të Biden me një postim të shkurtër.
“Misisipi nuk ka nevojë për administrues. Ndërsa numrat bien, ata mund të vlerësojnë zgjedhjet e tyre dhe të dëgjojnë ekspertët. Unë mendoj se thjesht se duhet t’u besojmë amerikanëve, jo t’i fyejmë ata.”
Maskat, distancimi shoqëror dhe masat e tjera janë ende të rëndësishme, pavarësisht rolit që vaksinat luajnë në vënien nën kontroll të pandemisë.
Texas dhe Misisipi do të lejojnë që të gjitha bizneset të hapen me kapacitet të plotë. Shtete të tjera kanë njoftuar një lehtësim të disa rregullave po ashtu.
SHBA kanë regjistruar 28.7 milion infeksione dhe 519,000 viktima në lidhje me Covid-19 që nga fillimi i pandemisë. Në vend janë administruar rreth 78 milion doza vaksinash, por Biden tha se kjo nuk ishte një arsye për t’i dhënë fund masave të shëndetit publik. Zyrtarë të lartë shëndetësorë në administratën e tij kanë paralajmëruar për përhapjen e mëtejshme të virusit dhe variante më ngjitëse të tij – duke penguar përparimin e programit të vaksinimit të vendit./nmk-post/
