Presidenti i Turqisë, Rexhep Tajip Erdogan, ka njoftuar se ka zhvilluar bisedë telefonike me presidentin rus Vladimir Putin, ku janë përmendur edhe zhvillimet e fundit mes Palestinës dhe Izraelit, transmeton Gazeta Metro.
Erdogan, përmes një shkrimi në Facebook, njoftoi se ka zhvilluar bisedë me Putinin, ku shprehi qëndrimin e tij se shtetit turk duhet t’i japë Izraelit një mësim të fortë.
Vëllai im i çmuar. Ne patëm një bisedë telefonike me Presidentin rus Vladimir Putin.
Në takim, ne diskutuam zhvillimet në Palestinë dhe çështjet në lidhje me transportimin e vaksinës Sputnik V në Turqi.
Unë deklarova se ne, si Turqi, tregojmë reagimin tonë më të fortë kundër sulmeve të pamatur të Izraelit ndaj Jeruzalemit, Gazës, Xhamisë Al-Aqsa dhe Palestinës dhe se bashkësia ndërkombëtare duhet t’i japë Izraelit një mësim të fortë dhe parandalues dhe ne vazhdojmë iniciativat tona në të gjitha nivelet për këtë qëllim’’, shkroi Erdogan ndër të tjera.
Ai shtoi se ideja e dërgimit të forcave ndërkombëtare të mbrojtjes në rajon për mbrojtjen e civilëve palestinezë, duke shtuar se Turqia dhe Rusia duhet të bashkëpunojnë ngushtë me Kombet e Bashkuara për këto çështje.
‘’ Unë theksova se është e rëndësishme që Këshilli i Sigurimit i Kombeve të Bashkuara të përfshihet para se kriza të rritet më tej, dhe se Këshilli duhet t’i japë mesazhe vendimtare dhe të qarta Izraelit për të ndaluar sulmet.
Unë deklarova që ideja e dërgimit të forcave ndërkombëtare të mbrojtjes në rajon për mbrojtjen e civilëve palestinezë gjithashtu duhet të punohet dhe shpreha besimin tim se Turqia dhe Rusia do të bashkëpunojnë ngushtë me Kombet e Bashkuara për të gjitha këto çështje’’./gazetametro.net
