Gjuha dhe identiteti maqedonas nuk mund të jenë pengesë për integrimin, diversiteti kulturor dhe gjuha janë vlerë që duhet të respektohen në përputhje me Marrëveshjen e Lisbonës, e as gjuha maqedonase mund të jetë pengesë e marrëdhënieve të mira fqinje të bazuara në respekt të ndërsjellë, ka porositur zëvendëskryeministri për Çështje Evropiane, Nikolla Dimitrov në takimin e sotëm të parë me ambasadorin e sapoemëruar të Italisë, Andrea Silvestri.
Në takim, siç informoi pasdite SÇE, Dimitrova ka theksuar se Qeveria vazhdon me përpjekjet për të kërkuar zgjidhje dinjitoze, duke e respektuar të drejtën tonë të vetëvendosjes, në kuadër të parimeve evropiane.
“Por integrimet evropiane nuk duhet të mbeten peng i çështjeve bilaterale. Evropianizimi i shoqërisë sonë, mbetet qëllimi kryesor i Qeverisë. Reformat do të vazhdojnë sepse qëllimi i vërtetë i procesit të aderimit në esencë është pikërisht evropianizimi, vendosja e standardeve evropiane brenda. Në këtë proces çdo ndihmë nga miqtë tanë do të jetë e mirëseardhur”, theksoi DImitrov.
Duke i dëshiruar sukses ambasadorit Silvestri në mandatin e tij, zëvendëskryeministri Dimitrov shprehu kënaqësi nga bashkëpunimi bilateral dhe thellimi mëtutjeshëm i tij.
Nga ana italiane, siç qëndron në kumtesën e SÇE-së, u riafirmua mbështetja e fuqishme nga Italia për integrimin tonë evropian./INA
