Danimarka ka propozuar që djegia e Kuranit të dënohet me ligj

Qeveria daneze propozoi sot një ligj që do të dënonte me ligj djegien e kopjeve të Kuranit në vende publike, por ligji është ndryshuar në krahasim me versionin origjinal.

“Projektligji synon në mënyrë specifike përmbajtjen që ka rëndësi thelbësore fetare për komunitetin fetar”, tha Ministria daneze e Drejtësisë, transmeton “Politikken” daneze.

Ministri danez i Drejtësisë Peter Hummelgaard tha se ishte e rëndësishme që ligji të ishte shumë i saktë.

“Ne vendosëm të përshtatnim ligjin, e bëmë atë në bazë të konsultimit me policinë dhe për shkak të frikës se versioni origjinal i ligjit do të ishte shumë i vështirë për t’u zbatuar në praktikë”, tha Hummelgaard.

Në projektligjin e ri, ndryshimi konsiston në dallimin midis objekteve me rëndësi fetare dhe shkrimeve me rëndësi fetare.

Projektligji i ri synon përdhosjen e shkrimeve me rëndësi fetare, ndërsa versioni i parë i ligjit parashikonte që ai i referohet përdhosjes së të gjitha objekteve me rëndësi fetare.

Danimarka, ashtu si Suedia, ka pasur një problem që nga fillimi i vitit pasi kundërshtarët e Islamit dogjën dhe dëmtuan disa kopje të Kuranit, duke shkaktuar zemërim në mesin e muslimanëve në mbarë botën.