Koalicioni Aleanca për Shqiptarët dhe Alternativa sot e prezantuan platformën për shtetësinë.
Kryetari i Aleancës për Shqiptarët, Ziadin Sela tha se ideja e Ligjit është për të qenë shteti i drejtë karshi qytetarëve.
“Ideja e ligjit për të qenë të drejtë, është për tu ndjer i pranuar nga institucionet konform asaj që thuhet për çdo ditë. Ideja është që insitucionet e shteti që paguehn nga tatimet e qytetarëve të jenë në shërbim të qytetarëve dhe jo të kemi Ministrinë e Punëve të Brndshme e cila flitet se mban mbi 2 mijë kërkesa për shtetësi dhe të gjitha të një bashkësie etnike”, theksoi kryetar i ASH-së, Ziadin Sela.
Bashkim Bakiu nga Qendra Analitike e ASH-së, theksoi se kjo çështje duhet të zgjidhet njëherë e përgjithmon.
“Ne do të marrim një proces gjithëpërfshirës për të identifikuar personat pa shtetësi në Maqedoninë e Veriut përmes platformës shtetësi.mk. Përmes kësaj platforme ne duam të sensibilizojmë gjithë publikun dhe të mobilizojmë qytetarët e Maqedonisë së Veriut që një herë e përgjithmonë të zgjidhet problemi i pa-shtetësisë. Synimi i kësaj platforme është grumbullimi i informacioneve nga qytetarët që ballafaqohen me problemin e pa-shtetësisë”, deklaroi Bashkim Bakiu nga qendra analitike e ASH-së.
Në fund të këtij prezantimi para gazetarëve folën edhe dy kryetarët e partive të koalicionit, Ziadin Sela dhe Afrim Gashi.
Me këtë rast kryetari i ASH-së, Sela, deklaroi se: “Shtetësia është detyrim minimal shtetëror ndaj secili qytetar të vendit tonë dhe ne nuk mund të lejojmë akoma që shteti me arsyetime banale t’ua mohojë qytetarëve këtë të drejtë themelore njerëzore.”
Në këtë diskutim u inkuadrua edhe kryetari i Alternativës, Afrim Gashi, i cili shtoi se: “Shteti përfundimisht duhet të çlirohet nga droja se po rritet numri i një bashkësie etnike dhe në këtë mënyrë ta pengojë të drejtën e qytetarëve për të pasur dokument shtetësie”.
