Alarmante: 200 te burgosur ne Idrizove hyn ne greve urie

213 të dënuar nga reparti gjysëm i hapur në Idrizovë sot nuk kanë marrë ushqim, ka konfirmuar për Thelmën zëvendësdrejtori i Idirzovës, Femi Ionuzi. Greva e urisë nisi në repartin ku në fundjavë pati përleshje mes policisë dhe të burgosurve, nga ku dolën të lënduar 10 policë, si dhe të dënuarit ankoheshin për lëndime të rënda dhe mungesë të ndihmës mjekësore, për këtë arsye nisën grevë urie.

Për të gjitha informacionet e tjera, Ionuzi na referoi në Administratën e Ekzekutimit të Sanksioneve, e cila nga sot po kryen mbikëqyrje të jashtëzakonshme në burgun më të madh në vend. Ata do të përgatisin raportin me të gjitha detajet pasi të kenë biseduar si me të dënuarit ashtu edhe me policinë e burgjeve. Por se sa do t’i ndihmojnë pamjet e video-përgjigjeve për momentin është e paqartë sepse kamerat kyçe ishin në drejtim të kundërt, shpjegon për Telma drejtori i Administratës, Jovica Stojanoviq. Do të kontrollohet edhe në kamera të tjera që mund ta kenë kapur incidentin nga një kënd tjetër. Një nga pyetjet për t’u përcaktuar është se pse askush nuk e vuri re që kamerat ishin rrotulluar dhe nuk regjistronin ngjarjet.

Incizimet do t’i shikojnë edhe përfaqësuesit e Avokatit të Popullit. Pasi u ndërprenë nga të burgosurit dje në Idrizovë teksa shikonin video-përgjimin, sot ishin sërish aty, por tani janë dorëzuar për të vëzhguar në zyrat e tyre. Në zyrën e Avokatit të Popullit për Thelmën thonë se po punohet për rastin në disa aspekte, do të kontaktojnë disa institucione dhe kur të marrin të gjitha përgjigjet dhe pasqyrën e plotë të incidenteve në burgje, do ta informojnë opinionin.

Ministria e Brendshme njoftoi në fundjavë se kur policia filloi kërkimin, u mblodh një grup prej rreth 60 të burgosurish dhe kundërshtuan aksionin. Gjatë kontrollit, i cili u krye me urdhër të gjykatës, u gjetën mbi 80 armë të ftohta, celularë dhe drogë.