Advertisement
Një tërmet me fuqi 5.1 ballësh goditi provincën Izmir të Turqisë perëndimore të hënën herët.
Sipas mediave turke, përcjell Telegrafi, tërmeti ndodhi në 8:46 të mëngjesit me kohën lokale në një thellësi prej 20,6 kilometrash, tha Autoriteti i Menaxhimit të Fatkeqësive dhe Emergjencave të Turqisë (AFAD), duke shtuar se epiqendra e tërmetit ishte rrethi Karaburun i Izmirit.
Siç bëhet e ditur më tej, ky tërmet u pasua nga katër dridhje të tjera të tokës, me fuqi 4.8 dhe 4.7 ballë.
Mediat raportojnë se tërmeti u ndje gjithashtu në provincat fqinje si dhe në Lesbos të Greqisë.
Ndryshe, Izmiri është i njohur për tërmetet e fundit, me atë të fundit me fuqi 6.6 në tetor 2020 që shkaktoi vdekjen e 116 njerëzve. /Telegrafi/
Advertisement
