Rrihen dy tetovar për një vend parkingu

Një 43-vjeçar nga Tetova gjatë ditës së djeshme ka raportuar se është sulmuar fizikisht nga një person pas mosmarrëveshjeve në lidhje me një vend parkimi, përcjell TV21. Nga SPB-Tetovë thonë se po merren masa në lidhje me rastin.

“Dyzet e tre vjeçari A.S. nga Tetova, dje (05-nëntor) në ora 20:00 në SPB-Tetovë ka raportuar se një ditë më parë rreth orës 21:00 para banesës ku banonte në rrugën “Boris Kidriç” në Tetovë është sulmuar fizikisht nga një person, për shkak të keqkuptimeve rreth parkimit të automjetit të tij dhe të sulmuesit. Po merren masa për pastrimin dhe dokumentimin e plotë të rastit”, thonë nga MPB.