Premtimi i vaksinave COVID-19 është “fenomenal” dhe “potencialisht ndryshim i lojës”, tha të enjten drejtori evropian i Organizatës Botërore të Shëndetësisë, Hans Kluge, një ditë pasi Britania u bë vendi i parë perëndimor që miratoi vaksinimin.
Britania aprovoi vaksinën COVID-19 të Pfizer, të zhvilluar me BioNTech të Gjermanisë, duke tejkaluar botën në garën për të filluar programin më të rëndësishëm të inokulimit në masë në histori.
Duke folur nga Kopenhaga, Kluge tha se furnizimet e vaksinave do të ishin shumë të kufizuara në fillim dhe se vendet duhet të vendosin se kush ka përparësi, megjithëse OBSH gjithashtu përmendi “konsensusin në rritje” që marrësit e parë të jenë njerëz të moshuar, punonjës mjekësorë dhe njerëz me sëmundje të tjera.
Koronavirusi ende ka potencialin për të bërë “dëme të mëdha”, tha Kluge, por “e ardhmja duket më e ndritur”, pasi kandidatët e tjerë të vaksinës, përfshirë Moderna dhe AstraZeneca, gjithashtu kanë dhënë rezultate pozitive të provës.
“Sa më shumë kandidatë të kemi, aq më shumë kemi mundësi për sukses”, tha Kluge në një konferencë për shtyp, shkruan “Reuters”, përcjell albinfo.ch.
