Ngritja e flamurit në Vlorë në 112 vjetorit të Pavarësisë, nipi i Ismail Qemalit: Është i njëjti emocion që përjetoi dhe gjyshi im në 1912

Nipi i Ismail Qemalit, Nedin Vlora ditën e sotme ka qenë në Vlorë, në ceremoninë e ngritjes së Flamurit me rastin e 112 vjetorit të Pavarësisë.

Nedim Vlora është takuar me kryeministrat shqiptarë Albin Kurtin dhe Edi Ramën.

Ai e ka uruar festën e pavarësisë, teksa theksoi se ndjen të njëjtin emocion që ndjeu dhe gjyshi i tij në 1912.

“112 vite, është si të ishte viti i parë për mua për emocionin që shikoj kur ngrihet flamuri, është e njëjtë. Është i njëjti emocion që përjetoi dhe gjyshi im në 1912. Do të doja të bëja një urim për Shqipërinë. E kaluara është e kaluar, por të shohim para të ardhmen. Uroj që Shqipëria të ketë një të ardhme gjithnjë e më të mirë. Rroftë Shqipëria e shqiptarët!”, tha nipi i Ismail Qemalit për mediat