Mickoski: Nuk ka një mekanizëm për shkarkimin e anëtarëve të Këshillit Gjyqësor, por lufta do të bëhet përmes presionit publik

“Nuk ka asnjë mënyrë që Këshilli Gjyqësor të shkarkohet me forcë,” tha kryeministri Hristijan Mickoski. Ai theksoi se as anëtarët e zgjedhur nga Kuvendi, për të cilët është dorëzuar një interpelancë, nuk janë të detyruar të japin dorëheqje edhe pse u është votuar mosbesimi. Megjithatë, lufta për ndryshime në sistemin gjyqësor do të bëhet përmes presionit publik.
“Organi që i ka zgjedhur ata pesë anëtarë ka të drejtë të japë mendimin e tij. Dhe me faktin që nuk e ka pranuar raportin e tyre, ka dhënë mendimin e tij. Deputetët mund të paraqesin interpelancë për anëtarët që i kanë zgjedhur vetë. Por kjo nuk do të thotë se mandati i tyre përfundon, ata mund të thonë se nuk japin dorëheqje dhe të vazhdojnë ta drejtojnë gjyqësorin me 2%. Kjo nuk do të na befasojë. Me forcë nuk mund t’u bëjmë asgjë, deri në fund i mbron ligji. Ata mund të vendosin të mos japin dorëheqje,” tha Mickoski.
Megjithatë, ai theksoi se shpreson për dorëheqjet e tyre.“Anëtarët e rinj do të zgjidhen në bazë të ligjit që do të jetë në fuqi. Vlerësoj se publiku nuk është i kënaqur me Këshillin dhe do të luftojmë me opinionin publik, me presion publik,” shtoi Mickoski.