• 18-10-2021

Messi është lodhur duke u fajësuar për çdo gjë te Barcelona

Superylli argjentinas Lionel Messi ka thënë se është i lodhur duke u fajësuar për problemet te Barcelona, pasi ai është akuzuar nga ish-agjenti i Antoine Griezmannit se ia ka vështirësuar jetën sulmuesit francez te klubi i La Ligas, raporton agjencia Reuters.

Eric Olhats e ka akuzuar Messin se ka tepër kontroll te Barcelona, duke thënë se kjo e ka bërë të vështirë për Griezmannin të adaptohet.

Messi, që është kthyer të mërkurën në Barcelonë pas ndeshjeve me Argjentinën, është pyetur në aeroport nga gazetarët për këtë çështje.

“E vërteta është se jam pak i lodhur që gjithmonë po jam problem për çdo gjë në klub. Pos kësaj, pas një fluturimi 15 orësh, autoritetet tatimore më kanë pritur. Është çmenduri”, ka thënë Messi.

Messi ka edhe një vit kontratë me Barcelonën. Ai u mundua të aktivizonte klauzolën për t’u larguar nga klubi, por në fund vendosi të qëndronte pasi nuk donte betejë ligjore me Barçën./Reuters

Read Previous

Komuna e Tetovës hesht për hidrocentralet në Malin Sharr

Read Next

Në repartet infektive në vend shërohen 820 pacientë

%d bloggers like this: