Breaking News :

nothing found
01-04-2023

Kosova në vazon e pestë për kualifikimet e Botërorit 2022

Advertisement

Përfaqësuesja e Kosovës në futboll është në vazon e pestë për shortin e kualifikimeve për Kampionatin Botëror “Katari 2022”.

Shtëpia botërore e futbollit – FIFA, të premten, ka publikuar ndarjen e përfaqësueseve evropiane nëpër vazo, për shortin që do të tërhiqet më 7 dhjetor në Zuerich.

Ndarja e përfaqësueseve nëpër vazo është bërë duke u bazuar në renditjen e tyre në ranglistën e FIFA-s.

Krahas Kosovës, në vazon e pestë janë edhe Armenia, Qipro, Ishujt Faroe, Azerbajxhani, Estonia, Kazakistani, Lituania, Letonia e Andorra. Ndërkohë, Shqipëria është në vazon e katërt dhe ekziston mundësia që të jetë në një grup me Kosovën, për herë të parë.

Më herët këtë muaj, Kosova e mbylli edicionin e dytë të Ligës së Kombeve, ku përfundoi e treta në grupin e tretë të Ligës C.

Shqipëria doli e para në grupin e katërt të Ligës C dhe në edicionin e ardhshëm të Ligës së Kombeve do të luajë në Ligën B, që është niveli i dytë.

Kualifikimet për Botëror fillojnë në mars të vitit të ardhshëm.

Advertisement

Read Previous

Shqipëria një vit pas tërmetit, në fokus rindërtimi

Read Next

Shtypet një grua me veturë në Çair, ndërron jetë në spital