Fauçi: Fëmijët mund të vaksinohen gjatë verës

Drejtori i Institutit Kombëtar të SHBA për Sëmundje Infektive, Anthony Fauçi, është shprehur se do të dalin të dhënat së shpejti për të mbështetur vaksinimin e fëmijëve kundër koronavirusit, përcjellë nmk-post.

Ai shpreson që pasi të jenë shpallur rezultatet e studimit, vaksinimi i fëmijëve të moshës 12 deri në 17 do të fillonte në fund të pranverës ose në fillim të verës, njofton CNN.

“Pasi të kemi më shumë të dhëna, ne do të jemi në gjendje të vaksinojmë edhe fëmijë më të vegjël, të gjitha këto do të ndihmojnë në uljen e përhapjes së virusit,” shkroi Fauçi në llogarinë e Twitter të ekipit Covid 19 të Shtëpisë së Bardhë./Nmk-post/