Kryeministrja e Serbisë, Ana Brnabiç ka deklaruar se nuk është aspak e lumtur pas vendosjes së marrëdhënieve diplomatike në mes Izraelit dhe Kosovës. Në një prononcim për mediat ajo ka thënë se Serbia asnjëherë s’ka dashur që kjo pikë të vendoset në marrëveshjen e Washingtonit.
“Padyshim presioni nga Shtetet e Bashkuara ishte shumë i fortë. Ne do të shohim se si do të sillen vendet e tjera, veçanërisht ato myslimane. Unë mendoj se zgjidhja e çështjes nuk është e kufizuar në kohë, por sigurisht që Evropa pret ndonjë marrëveshje mbi normalizimin përpara se të bashkohemi në BE. Evropa nuk dëshiron të importojë problem”, shtoi Brnabiç.
Kryeministrja e Serbisë tha se fokusi i shtetit të saj tani është vaksinimi anti-COVID.
“Tani kemi 463.000 qytetarë të vaksinuar dhe rreth 10.000 të cilët janë rivaksinuar”, ka thënë ajo./abcnews.al
