Liderët evropianë sot në Paris mbajtën një takim urgjent për sigurinë e kontinentit

Presidenti francez Emmanuel Macron sot në Paris do të mblidhtë përfaqësuesit e shteteve të mëdha evropiane për të diskutuar mbi sigurinë evropiane, konfirmoi sot ministri francez i Punëve të Jashtme, Jean-Noël Baro.
„Presidenti i Republikës do të mblidhtë vendet kryesore evropiane për bisedime mbi sigurinë evropiane“, deklaroi Baro për radion France Inter. Ai nuk specifikoi kush do të marrë pjesë në takimin e punës, por sipas një burimi evropian të diplomacisë, pritet të jenë të pranishëm Gjermania, Polonia, Italia, Danimarka, si dhe Britania e Madhe.
Do të jenë të pranishëm gjithashtu liderët evropianë Ursula von der Leyen dhe Antonio Costa, si dhe kreu i NATO-s, Mark Rutte, tha burimi.
Takimi do të mbahet një ditë pas Konferencës për Sigurinë në Mynih, e cila u shënua me një fjalim armiqësor të nën-presidentit të SHBA-së, J.D. Vance, kundër Bashkimit Europian, të cilin ai e akuzoi se nuk e respekton lirinë e shprehjes. Ai gjithashtu konfirmoi se amerikanët po mendojnë për negociata për një zgjidhje të çështjes ukrainase pa evropianët.
„Kur bëhet fjalë për lirinë e shprehjes, nuk kemi nevojë për udhëzime“, tha Baro për France Inter. „Duhet të çlirohemi nga kompleksi i inferioritetit dhe të mos friksohemi, prandaj nuk do të pranojmë ndërhyrje“, theksoi ai.
Ai vlerësoi se deklaratat e Vance, të dhëna një javë para zgjedhjeve parlamentare në Gjermani, ishin të papranueshme. „Ne do të mbrojmë demokracinë tonë dhe debatet tona publike, sepse ato janë mjetet tona më të çmuara, edhe nëse janë të brishta“, tha Baro.
Kur u pyet për çështjen e Ukrainës, ai përsëriti se vetëm ukrainasit mund të marrin një vendim për përfundimin e luftës dhe theksoi se Evropa do t’i mbështesë derisa ata të marrin vendimin e tyre.
Ai shtoi se ukrainasit nuk do të ndalojnë derisa të jenë të sigurt se paqja që u ofrohet do të jetë e qëndrueshme dhe derisa të kenë garanci për sigurinë. „Dhe kush do t’u japë garanci? Evropa“, përsëriti Baro, duke theksuar se evropianët në një mënyrë ose në një tjetër do të përfshihen në diskutimet për përfundimin e luftës në Ukrainë.