Tragjedi në Kosovë, tre fëmijë vdiqën nga shembja e një objekti në Jabllanicë të Gjakovës

Tre fëmijë kanë humbur jetën si pasojë e shembjes së një objekti në fshatin Jabllanicë të komunës së Gjakovës.

Sipas raportimit të mediave në Kosovë, autoritetet kanë konfirmuar se bëhet fjalë për shembjen e një objekti që s’ka qenë i banuar.

Raportohet se fshatarët janë përpjekur që të nxjerrin fëmijët, por se kjo nuk është arritur dhe se ekipi mjekësor ka konstatuar vdekjen e tyre.

Bëhet fjalë për dy fëmijë 15-vjeçarë dhe një 14-vjeçar.